منتدى تامر حسنى

زائرنا العزيز اذا اعجبك منتدانا منتدى الفنان تامر حسنى فأذهب الى التسجيل فيه وبدء المشاركه فيه وان شاء الله تسعد بالوجود معنا فى اسرتنا



    امتحان اللغة العربية فى يوم من الايام ممكن يكون كده

    شاطر
    avatar
    BODY
    مشرف قسم الموهوبين فى الغناء والتأليف
    مشرف قسم الموهوبين فى الغناء والتأليف

    عدد المساهمات : 1812
    نقاط : 4953
    السٌّمعَة : 10
    تاريخ التسجيل : 10/06/2009
    العمر : 28

    يوجد مشاركات جديده امتحان اللغة العربية فى يوم من الايام ممكن يكون كده

    مُساهمة من طرف BODY في الأربعاء يوليو 01, 2009 5:54 pm

    السؤال الأول: التعبير
    اكتب ما لايقل عن 650 سطر فى أحد الموضوعات التالية
    لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

    شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

    بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب

    ــــــــــــــــــــــــــــــــــــــــــــــــــ ـــــــ


    السؤال الثانى: القصة
    من قصة ' وعهد الله ما انت داخل الانتخابات' .. اقرأ القطعة وأجب عن الآتى
    ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى


    ما هى اللحمة؟ أو على الأقل حدد أقرب معنى خيالى لها

    مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت


    لماذ ضربه الرجل بالجزمة وليس بالعصى مثلا؟؟
    أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى اختر


    حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا

    ــــــــــــــــــــــــــــــــــــــــــــــــــ ــــــــــ

    السؤال الثالث القراءة
    من موضوع ( الزعيم..والفنان.. والقدوة) اقرأ القطعة وأجب
    وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة

    فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

    ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟


    دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

    أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة

    ــــــــــــــــــــــــــــــــــــــــــــــــــ ــــــــــــ

    السؤال الرابع النصوص
    أجب عن أحد النصين الآتيين
    من نص ( ماشربتش من نيلها)..اقرأ ثم أجب
    ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها



    بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟


    المسيسبى - الأمازون – يونج يانج

    هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه

    أكمل الأبيات إلى آخر كحكة فى الكليب

    قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى

    ــــــــــــــــــــــــــــــــــــــــــــــــــ ـــــــ

    من نص (حين ميسرة)..أجب عن الآتى


    اذكر اسم مصيبة واحدة محصلتش فى النص الأسود ده

    وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

    سبب وجود الشرطة كل خمس دقائق فى النص


    موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر

    ــــــــــــــــــــــــــــــــــــــــــــــــــ ـــــــــ

    السؤال الخامس النحو

    أعرب ما تحته خط.. لو مالقيتش القطعة أصلا ..اتصرف

    ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

    كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

    فُرِضت الضرائب علينا ببشاعة ..أعرب الجملة .. وارفع الضرائب أبوس إيدك

    ــــــــــــــــــــــــــــــــــــــــــــــ

    السؤال السادس الخط

    كوز المحبة انخرم..طرطش على كمى..ياحبيبى بطل جفا وارحم عذاب امى

    اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
    اكيد امتحان سهل اوى
    ههههههههههههههههههههههاى


    _________________
    [img]


    [img]
    avatar
    shimaa
    نائب مديره الموقع
    نائب مديره الموقع

    عدد المساهمات : 292
    نقاط : 3729
    السٌّمعَة : 2
    تاريخ التسجيل : 10/06/2009
    العمر : 27

    يوجد مشاركات جديده رد: امتحان اللغة العربية فى يوم من الايام ممكن يكون كده

    مُساهمة من طرف shimaa في الأربعاء يوليو 01, 2009 7:14 pm

    ههههههههههههههههههه سهل مووووووووووت
    avatar
    الحلوة95
    مشرفه عامه
    مشرفه عامه

    عدد المساهمات : 4743
    نقاط : 8309
    السٌّمعَة : 3
    تاريخ التسجيل : 11/06/2009
    العمر : 22
    الموقع : http://tamerhosnytemoz.yoo7.com

    يوجد مشاركات جديده رد: امتحان اللغة العربية فى يوم من الايام ممكن يكون كده

    مُساهمة من طرف الحلوة95 في الخميس يوليو 02, 2009 2:13 am

    ههههههههههههههههههههه
    مفيش اسهل من كدة
    مرسي يا عسل على الموضووع الرائع
    تحياتي


    _________________


    avatar
    Admin
    مديره الموقع
    مديره الموقع

    عدد المساهمات : 576
    نقاط : 9450
    السٌّمعَة : 3
    تاريخ التسجيل : 09/06/2009
    العمر : 21
    الموقع : http://tamerhosnytemoz.yoo7.com/

    يوجد مشاركات جديده رد: امتحان اللغة العربية فى يوم من الايام ممكن يكون كده

    مُساهمة من طرف Admin في الخميس يوليو 02, 2009 6:29 am

    ههههههههههههههههههههه حلوووووووووووو اوووووووى جاااااااامد


    _________________










    avatar
    BODY
    مشرف قسم الموهوبين فى الغناء والتأليف
    مشرف قسم الموهوبين فى الغناء والتأليف

    عدد المساهمات : 1812
    نقاط : 4953
    السٌّمعَة : 10
    تاريخ التسجيل : 10/06/2009
    العمر : 28

    يوجد مشاركات جديده رد: امتحان اللغة العربية فى يوم من الايام ممكن يكون كده

    مُساهمة من طرف BODY في الخميس يوليو 02, 2009 6:30 am

    تسلموا على مروركم الجميل يا قمراااااااات


    _________________
    [img]


    [img]

      الوقت/التاريخ الآن هو الأربعاء نوفمبر 22, 2017 8:35 pm