أنا مش جايبة خبر من جريدة صفرا ولا زرقا ,, الموضوع مجرد إشاعة إنتشرت أوي في الفترة الأخيرة أظن كتير مننا شافها في منتديات كتير لتــامــر وأظن إن دورنا هنا مش إننا ننقل الأخبار وخلاص المفروض كمان نتأكد من صحتها ونكدب الغلط منها
أنا مش حابة أكتب الخبر أو الإشاعة كاملة عشان ملهاش لازمة وفيها كلام سخيف كتير لكن بإختصار هما بيقولو إن من وقت توقيع تــامــر لبيبسي المتزامن مع رفض عمرو دياب تجديد عقده معاهم والمبيعات للشركة إنخفضت لـ30% وإن سبب رفض عمرو دياب تجديد عقده إن شركة بيبسي بتقدم جزء من ربحها لرعاية الشواذ
وأنا اتأكدت من إن الكلام دة غلط لأن في أي حتة مكتوب تحت الخبر المصدر موقع قناة العربية.نت و الموقع دورت فيه كويس مفيش حاجة متعلقة أصلا بالموضوع دة ولا في اي جريدة رسمية كتبت عن الموضوع دة حاجة, واتأكدت كمان إن المصدر الحقيقي هو ناس عاديين فبركو الخبرفي منتدى لصالح اي حد
وطبعا أصلا الكلام مش منطقي أبدا يعني ايه انخفضت 30% وبعدين الأرقام دي أصلابتكون سرية إلا إذا صرح بيها مسئول من الشركة وماظنش ان في حد هيصرح بحاجة زي دي لو كانت حقيقية
في النهاية ياريت مانصدقش أي حاجة وخلاص و انا عملت الموضوع للتوضيح بس , ولما تبقو تشوفو الخبر دة تاني ابقو اضحكو بذمة بقى